Suedia mposht Islandën
Me rezultat prej 3-2, kombëtarja e Suedisë ka triumfuar përballë Islandës në një ndeshje miqësore të zhvilluar të mërkurën mbrëma.
Akoma pa filluar mirë takimi, Zlatan Ibrahimovic pranoi një top nga Sebastian Larsson për epërsinë e parë të suedezëve (2’).
Ola Toivonen e dyfishoi avantazhin (14’), ndërsa edhe në këtë gol ishte pjesëmarrës Ibra, pasi dha asistin.
Kolbeinn Sigthorsson shënoi me kokë (27’) për ta ngushtuar epërsinë dhe me rezultat 2-1 skuadrat shkuan në pushim.
Christian Wilhelmsson shënoi golin e tretë për Suedinë (78’), ndërsa Hallgrimur Jonasson (90’) shënoi golin e dytë për Islandën.
Në gjysmën e dytë të këtij takimi u inkuadrua edhe shqiptari me pasaportë suedeze, Emir Bajrami.
Category: Euro 2012
0 Komente