Milani me ofertë njëvjeçare për Van Bommel

Milani i ka ofruar kontratë të re njëvjeçare mesfushorit Mark van Bommel – raporton Il Corriere dello Sport.

Kontrata aktuale e holandezit skadon në fund të qershorit, ndërsa thuhet se Rossonerët janë shprehur të gatshëm ta mbajnë edhe për një vit në San Siro, ku 35-vjeçari do të përfitonte dy milionë euro.

Në javët e fundit është spekuluar se Van Bommel mund të kthehet te PSV, madje mediat holandeze kanë raportuar se ai ka arritur marrëveshje me klubin nga Eindhoven.

Category: Futboll