Newcastle pas Eljero Elias

Newcastle United ia ka vënë syrin anësorit të Juventusit, Eljero Elia, derisa kërkon të ndërtojnë një skuadër edhe më konkurruese dhe të luftojnë një vend të Ligës së Kampionëve sezonin e ardhshëm.

Holandezi nuk e ka fshehur dëshirën për t’u larguar nga kampioni i ri i Italisë dhe Newcastle është duke udhëhequr garën për nënshkrimin e tij këtë verë, pasi menaxheri Alan Pardew ka rishfaqur interesim për të.

Burime të afërta me 25-vjeçarin kanë zbuluar për Goal se ai ishte penduar që kishte refuzuar mundësinë të transferohet në St James’ Park vitin e kaluar, kur iu bashkua Juventusit nga Hamburgu për 9 milionë euro.

Elia, i cili më herët kishte qenë cak edhe i Liverpoolit, është i paepur të luajë në Ligën Premier dhe shpreson të rilansojë karrierën në ishull pas sezonit që ishte për t’u harruar në Torino.

Category: Futboll