Pirlo: Milani mendoi se isha i harxhuar

Mesfushori i Juventusit, Andrea Pirlo, edhe një herë ka kritikuar ish-skuadrën e tij Milanin që nuk pati besim në të.

Kontrata e mesfushorit me Rossonerët skadoi në fund të vitit të kaluar dhe nuk u rinovua, duke i dhënë mundësinë atij të transferohet si agjent i lirë te Juventusi, me të cilën skuadër fitoi Scudetton këtë sezon.

“Te Milani ata menduan se kisha përfunduar, por ja ku jam”, ka qeshur Pirlo në konferencën për shtyp derisa është në detyrë me kombëtaren e Italisë.

“Nuk e di nëse do të vazhdoj me karrierën me Azzurrët deri në Botërorin 2014. Do të shohim nëse jam ende i shfrytëzueshëm dhe nëse do të ftohem”, ka shtuar italiani.

Category: Futboll