United mbetet klubi më i vlefshëm
Manchester United ka ruajtur pozitën e parë si klubi më i vlefshëm sportiv në botë, në listën më të re të Forbes që dominohet nga klubet e futbollit amerikan.
Kampioni i 19-fishtë i Anglisë është vlerësuar me 2.23 miliardë dollarë, 19 për qind më shumë se Reali i Madridi, që është renditur i dyti.
Derisa United u mposht nga rivali lokal Manchester City, në garën për titullin e sezonit të kaluar, qytetarët janë larg prapa Djajve të Kuq në listën e klubeve më të vlefshme, duke mos depërtuar as në top 50.
Të gjitha 32 klubet e NFL (ligës kombëtare të futbollit amerikan) janë përfshirë në top 50, me Dallas Cowboys, Washington Redskins, New England Patriots dhe kampionët e Super Bowl, New York Giants, që kanë depërtuar në top 10.
E vetmja skuadër amerikane në top 10 që nuk luan futboll amerikan ka qenë klubi i bejsbollit, New York Yankees, që është renditur e treta.
Në top 10 janë përfshirë edhe dy skuadrat evropiane, Barcelona, e teta, dhe Arsenali, i 10-ti.
Ferrari është skuadra e garave motorike e renditur më së larti, e 15-ta, derisa LA Lakers (vendi i 30-të), ishin klubi më së larti i renditur i NBA-së.
Top 10 ekipet:
1. Manchester United (Futboll) - $2.23 miliardë
2. Real Madrid (Futboll) - $1.88 miliardë
3. New York Yankees (Bejsboll) - $1.85 miliardë
3. Dallas Cowboys (Futboll amerikan) - $1.85 miliardë
5. Washington Redskins (Futboll amerikan) - $1.56 miliardë
6. Los Angeles Dodgers (Bejsboll) - $1.40 miliardë
6. New England Patriots (Futboll amerikan) - $1.40 miliardë
8. Barcelona (Futboll) - $1.31 miliardë
9. New York Giants (Futboll amerikan) - $1.30 miliardë
10. Arsenal (Futboll) - $1.29 miliardë
Të tjera klube:
11. Bayern Munich (Futboll) - $1.23 miliardë
15. Ferrari (F1) - $1.1 miliardë
27. AC Milan (Futboll) - $989 milionë
30. LA Lakers (NBA) - $900 milionë
40. McLaren (F1) - $800 milionë
45. Chelsea (Futboll) - $761 milionë
Category: Futboll
0 Komente