‘Modric nuk vlen 42 milionë euro’

Portieri spanjoll, Manuel Almunia, ka thënë se Real Madridi e ka tepruar me shumën e paguar për transferimin e Luka Modric nga Tottenhami.

Mesfushori kroat kompletoi kalimin në Santiago Bernabeu për 42 milionë euro të hënën, ndërsa ish-portieri i Arsenalit nuk mendon se ai vlen aq shumë.

“Modric është një lojtar i mirë, por nuk e di pse është gjithë kjo bujë rreth tij”. “42 milionë euro duket paksa e tepruar, ai është lojtar i mirë dhe mund t’i shërbejë Madridit, por çmimi është paksa i ekzagjeruar”, ka thënë Almunia për COM Radio.