PSG: Neymar shkon te Barcelona

Sport shkruan se drejtori i PSG-së, Leonardo, ka bërë një ofertë serioze për Neymarin në gusht, duke punuar me super agjentin Wagner Ribeiro në tentim për të hapur bisedimet me Santosin për anësorin super të talentuar.

Por, presidenti i Santosit, Luiz Alvaro de Oliveira, ia ka qartësuar Leonardos se Neymar do të largohet vetëm në drejtim të Barcelonës dhe nuk do të pranojë asnjë klub tjetër.

Në rast se Santos e shet Neymarin te një klub tjetër, atëherë Barca do të pranonte 40 milionë euro nga klubi brazilian si klauzolë që është pjesë e marrëveshjes së tyre të arritur një vit më parë që Neymar të kalojë te klubi katalanas pas përfundimit të Botërorit të vitit 2014.