Mancini zyrtarizohet si trajner i Galatasarayt
Strategu italian merr timonin e gjigantit turk, pasi drejtuesit e shkarkuan Fatih Terimin për shkak një mosmarrëveshjeje rreth kontratës së tij.
Ish-trajneri i Interit dhe Manchester Cityt udhëtoi në Stamboll të dielën për të biseduar me zyrtarët e klubit, ndërsa sonte (e hënë) ai ka nënshkruar kontratë trevjeçare.
“Jam shumë i lumtur që kam ardhur te një klub i madh si Galatasaray. Ndeshja Galatasaray-Juventus do të jetë një koincidencë e lumtur për mua”, ka deklaruar italiani.
Paga fillestare e Mancinit është 4.5 milionë euro për sezon, ndërsa në rast se fiton kampionatin turk apo triumfon në Evropë, ajo do të ngritet deri në tetë milionë euro. /Telegrafi/
Category: Futboll
0 Komente