Martino: Të lihen të qetë gjyqtarët
Trajneri i Barcelonës, Gerardo Martino, ka folur për gjyqtarët pas ngjarjeve të fundit kontroverse në La Liga.
Tata Martino mbajti një konferencë për shtyp, ku pos që foli për kundërshtarin e radhës, Almerian, ai po ashtu u pyet edhe për gjyqtarët.
Sipas teknikut argjentinas, gjyqtarët nuk duhet që të kritikohen as pas gabimeve të cilat i bëjnë.
“Gjëja e parë për të cilën mendoj është vetmia në të cilën duhet të lihet gjyqtari në marrjen e vendimeve. Ata mund të jenë drejt, mund të jenë gabim, vendimet mund të favorizojnë njërin apo tjetrin ekip, duket e padrejt të flasim për gjyqtarët dhe nuk dua të kontribuoj duke i hedhur te turma e luanëve. Nuk dua t’i kontribuoj kësaj situate”, është shprehur Martino.
Category: Futboll
0 Komente