“Reali më i mirë i të gjitha kohërave”

Drejtori i marrëdhënieve institucionale te Real Madridi, Emilio Butragueno, beson se skuadra aktuale e Los Blancos është ndoshta më e mira në histori të klubit.

Sulmuesi i dikurshëm që ka veshur fanellën e Mbretërve gjatë viteve 1984-1995, konsideron se Jose Mourinho ka bërë një ekip më komplet se kurrë më parë.

“Kjo është me gjasë skuadra më e mirë Real Madridit e të gjitha kohërave. Vërtet mendoj se ky është ekipi më komplet në historinë e klubit”, ka deklaruar Butragueno për Marca.

Ai ka thënë se trajneri i Realit ka shumë opsione për të formuar një ekip të nivelit të lartë.

Category: Futboll