Maradona: Argjentina vend i keq për të punuar
Edhe pse River Plate është rivalja historike e Boca Juniors ku “El PIbe D’oro” u formua si lojtar, Maradona nuk i kursen kritikat për mënyrën se si po menaxhohet ky klub, duke shfaqur hapur kundërshtinë ndaj drejtuesve të “Millionarios”.
Në një intervistë dhënë për mediat e vendit të tij nga Emiratet e Bashkuara Arabe, ish numri 10 kritikon shkarkimin e Matias Almeydas dhe emërimin e Ramon Diaz në stolin e River Plate brenda tre ditëve. “Fakti se prezantojnë një trajner të ri me mënyrën se si e larguan të vjetrin, më bën për të vjellë.
Për këtë fakt nuk dua të rikthehem të punoj në Argjentinë”. Në vijim të intervistës, legjenda argjentinase doli në mbrojtje të presidentes së vendit, Cristina Fernandez de Kirchner, duke përfituar nga vizita e saj në Lindjen e Mesme.
Category: Futboll
