Montella: Do të më pëlqente të punoja me Lampardin

Trajneri i Fiorentinas, Vincenzo Montella, ka thënë se do t’i pëlqente ta sillte Frank Lampardin e Chelseat te Fiorentina.

Drejtuesit e Bluve ia kanë bërë të ditur mesfushorit anglez se nuk u duhet më në ekip, ndërsa shumë ekipe kanë shfaqur interesim për të, në mesin e tyre është edhe Viola.

“Do të më pëlqente të punoja me Lampardin. Fakti që atij i pëlqen Fiorentina është diçka që më bën krenar”.

“Ai është një profesionist dhe është në formë të mirë fizike. Nëse ai pranon të rrijë ndonjëherë në bankën rezervë, do të na hynte në punë shumë”, ka thënë Montella.