Pellegrini: Xavi e bën dallimin

Menaxheri i Malagas, Manuel Pellegrini, ka thënë se mesfushori i Barcelonës, Xavi Hernandez, është ai i cili e bën dallimin te Blaugranët e jo Lionel Messi.

Ekipi i Pellegrinit do të ndeshet të dielën kundër Barcelonës në La Liga, teksa pritet të zhvillohet një ndeshje e mirë për sy për publikun.

“Messi e ka dëshmuar që e meriton ta fitojë Topin e Artë, por unë gjithmonë kam thënë se Barcelonën e bën të madhe Xavi. Është ai i cili e bën dallimin e vërtetë”.

“E di që Messi shënon shumë gola, por filozofia e Xavit është shumë e rëndësishme”, ka thënë Pellegrini.