Redknapp: Së shpejti do të jemi në nivelin e Arsenalit

Në prag të takimit të Kupës Carling përballë Arsenalit, trajneri i Tottenhamit, Harry Redknapp, thotë se ai nuk ka dyshime se Tottenhami së shpejti do të jetë në nivel me Topçinjtë në kuptim të madhësisë dhe presigjit.
Spurs më 30 shtator do të kuptojnë nëse do të fitojnë leje për të ndërtuar një stadium të ri në vlerën e 400 milionë funteve, që do të ketë kapacitet prej 60 mijë vende dhe do të jetë i gatshëm për sezonin 2013/14.
Derisa ata po luajnë sezonin e parë në Ligën e Kampionëve, Spurs besojnë se koha po shkon në favor të tyre për të mposhtur rivalin e Londrës Veriore.
"Nuk kam parë çfarë Van der Vaart ka thënë, por Arsenali dhe Spurs që të dyja janë klube të mëdha. Nuk ka dyshime në këtë. Arsenali ka qenë më i suksesshëm viteve të fundit, por ne po i afrohemi. Kur të fitojmë stadiumin e ri, do të kemi 60 mijë njerëz në javë siç kanë klubet më të mëdha, andaj ata që të dyja janë klube të mëdha", ka thënë Redknapp.

Category: Futboll