Pesë klube italiane kërkojnë Behramin

Mesfushori kosovar i West Ham United, Valon Behrami, ka jo më pak se pesë klube të serie A që kërkojnë nënshkrimin e tij për afatin kalimtar të janarit.
Behrami ishte në rrugë për të kaluar te Roma verën e kaluar, por transferimi i tij dështoi në ditën e fundit dhe ai mbeti në klubin anglez.
Tuttomerkatoweb shkruan se mesfushori i përfaqësueses së Zvicrës ka refuzuar Cesenan, derisa për të të interesuara janë edhe Genoa, Palermo dhe Juventus.
Roma dhe Juve janë favoritë për Behramin, derisa ai përgatitet të largohet nga Londra në janar.

Category: Futboll