Ancelotti: Jam me fat që nuk jam shkarkuar

Carlo Ancelotti thotë se ai është i lumtur pasi ende është në stolin e Chelseat pavarësisht rezultateve të dobëta të nxjerra së fundi.
Chelsea po kalon formën më të keqe që kur ka kaluar në pronësi të Roman Abramovic, dhe Blutë kanë fituar vetëm 10 pikë nga 10 takimet e fundit të Ligës Premier. Ekipi i Ancelottit sonte udhëton te Wolves dhe nëse nuk shënon fitore, kjo do të ishte edhe një goditje tjetër për fansat e Chelseat.
“Unë jam një njeri me fat. E kam të qartë se shumë trajnerë janë shkarkuar me një seri të tillë të rezultateve. Kur shkoni në restorant, e merrni faturën kur përfundoni ushqimin. E njëjta është edhe këtu. Ne duhet të paguajmë faturën në fund të sezonit. Në fund, klubi mund të më gjykojë. Ushqimi më i mirë do të ishte Liga e Kampionëve. E kam shijuar atë disa herë dhe është e mirë”, ka thënë Ancelotti për Daily Mail.

Category: Futboll