Toure dëshiron të hyjë në histori me Cityn

Mesfushori i Manchester Cityt, Yaya Toure, planifikon të hyjë në histori të klubit, kur dihet se i duhet edhe një fitore për t’u shpallur kampion i Anglisë pas 44 vitesh.

“E dimë se do të jetë vështirë, por unë besoj te kjo skuadër, besoj te këta lojtarë që kemi. Na ka mbetur edhe një ndeshje për t’u luajtur në shtëpi dhe ne duhet të tregohemi në këtë ndeshje”.

“44 vite janë të pabesueshme, janë shumë. Gjithmonë kam thënë se kam ardhur te ky klub për të shkruar historinë, edhe pse ka njerëz që thonë se kam ardhur për gjëra të tjera”.

“Ky është objektivi im i parë, të ndihmoj për ta bërë një klub të suksesshëm futbollistik”, ka thënë Toure për faqen zyrtare të Cityt.

Category: Futboll