Gjermania më e shtrenjtë se Portugalia

Sonte (e shtunë) zhvillohet supersfida e Grupit B ndërmjet Portugalisë dhe Gjermanisë, ndërsa analistët kanë vlerësuar se cila nga dy skuadrat kushton më shumë.

Ndërkaq, edhe pse e ka lojtarin më të shtrenjtë në ekip, Cristiano Ronaldon, kombëtarja portugeze megjithatë në total mbetet prapa Gjermanisë.

Portierët: Tre portierët e Gjermanisë kushtojnë 43.5 milionë euro, ndërsa ata të Portugalisë vetëm 19.2 milionë.

Mbrojtësit: 115.5 milionë euro është vlera e lojtarëve mbrojtës të ‘Mannschaft’, ndërkohë që portugezët kushtojnë 93.2 milionë.

Mesfushorët: Lojtarët e mesit të fushës te skuadra gjermane kushtojnë në total 178 milionë euro, ndërsa thuajse përgjysmë më lirë kushtojnë lojtarët e Portugalisë në këtë pjesë të fushës – 97 milionë euro.

Sulmuesit: Padyshim që Cristiano Ronaldo është shumë më i shtrenjtë individualisht dhe kjo ka bërë që vetëm në këtë fazë të lojës, Portugalia të dominojë si ekip. 138.3 milionë euro është shuma e sulmuesve portugezë, ndërsa 123 milionë euro kushton ofensiva gjermane.

Totali:
Gjermania: 459 milionë euro
Portugalia: 337.7 milionë euro

Category: Euro 2012