Formula 1 Fetel, për Alonson: Të dy meritojmë titullin
.jpg)
Alonso ishte favorit për të fituar titullin, pasi në pjesën e parë të sezonit fitonte pikë pa ndërprerje, ndonëse makina e tij nuk ishte në nivelin më të lartë. Por, katër fitore radhazi të Fetelit bënë që gjermani të përmbyste një avantazh prej 42 pikësh të spanjollit dhe është ai tashmë në kryesimin e kampionatit me 10 pikë avantazh.
“Nëse sheh garat që kemi zhvilluar deri tani, fatkeqësitë në garë apo ato që nuk kemi përfunduar, janë të barabarta. Akoma mendoj se kampion do të shpallet piloti që e meriton më shumë. Pa dyshim që unë jam në një pozicion mjaft të mirë dhe do të bëj maksimumin deri në fund që të sigurohem që do të marr fitoren”, - pohoi 25-vjeçari.
“Sigurisht që garat e fundit na kanë ndihmuar shumë. Po të shohësh 20 garat e sezonit, kemi pasur shumë probleme teknike që na kanë penalizuar, por shpresojmë që t’i kemi lënë pas krahëve ato. Është shumë e vështirë që të vazhdosh kaq shumë gara pa aksidente, por gjithsesi duhet të jesh i përgatitur kur këto gjëra ndodhin, që t’i kalosh dhe të reagosh”, - tha SuperSeb, i cili në garën e të dielës në SHBA në cirkuitin Ostin do të regjistrojë nisjen e 100-të në karrierë në Formulën 1.
Category:
