Kili mposht Hondurasin

Kombëtarja e Kilit ka filluar me fitore garën në Kupën Botërore pasi mposhti me rezultat 1-0 Hondurasin në ndeshjen e grupit H.
Kilianët kaluan në epërsi pas 34 minutash lojë me golin e Jean Beausejour. Pas një harkimi të Mauricio Isla, topi arriti te Beausejour që nuk fali nga afërsia.
Pavarësisht lojës së mirë të kilianëve edhe në pjesën e dytë ndeshjes dhe dominimit në posedim dhe në raste, goli i shënuar në pjesën e parë doli të ishte vendimtar për tre pikët e reja.
Në grupin H bëjnë pjesë edhe Spanja dhe Zvicra, të cilat përballen në takimin e mëvonshëm që është edhe i fundit i rundit të parë të fazës grupit.

Category: Afrika e Jugut 2010